Ukraynalı nazir: «Azərbaycan bizim üçün yaxın ölkədir»

“Azərbaycan bizim üçün dost, hər bir mənada yaxın ölkədir”.

Millitribuna.az xəbər verir ki, bu fikirləri “Report”a Ukraynanın infrastruktur naziri Vladislav Krikli Gəncəyə səfəri zamanı müsahibəsində bildirib.

“Bilirsiniz, biz uzun müddətdir deyirik ki, körpülər insanları ayrılmamalı, əksinə, bir araya gətirməlidir. Bura bizim hava, dəniz, dəmir yollarımız aiddir. Biz və Azərbaycan tranzit potensialına sahib ölkələrik. Biz Avropa-Qafqaz-Asiya yollarımızın, yeni İpək Yolunun üzərində fəal işləyirik. Bu prosesə dinamik şəkildə qoşulduğumuz üçün Azərbaycan tərəfinə minnətdaram. Həmkarlarımızı və digər dost respublikaları ortaq gömrük sənədlərini, prosedurları tətbiq etməyə inandırmaq istəyirik. Çünki nəqliyyatda əsas məsələlər qiymət və vaxtdır. Məhz buna görə istəyirik ki, birgə səylərimiz vasitəsilə alternativ İpək yolunun Ukrayna və Azərbaycanın aktiv iştirakı ilə işləməsi üçün ən rahat, sadə prosedurları tətbiq edək”.

O, həmçinin Azərbaycanın multikultural ölkə olduğunu qeyd edib: “Ölkələrimizin mədəni irsini mümkün qədər yaxınlaşdırmaq üçün öz mədəniyyətimizin bir hissəsini buraya gətirməkdən və əksinə, Azərbaycan mədəniyyətinin bir hissəsini öz ölkəmizə aparmaqdan həmişə məmnunuq. Bu vətəndaşlarımız arasında böyük maraq doğurur və turizmin inkişafına töhfə verir ki, bu da prioritet istiqamətdir”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Добавить комментарий

Ваш адрес email не будет опубликован. Обязательные поля помечены *