Sahibə Qafarova: “Deputat özünü heç kəsdən üstün tutmamalıdır”

“Milli Məclisin deputatı olmaq yüksək şərəfdir. Düşünürəm ki, Azərbaycan Prezidenti İlham Əliyevin rəhbərlik etdiyi ölkədə deputat olmaq daha böyük şərəfdir və etibardır”.

Millitribuna.az-ın xəbərinə görə, bu fikirləri Milli Məclisin sədri Sahibə Qafarova parlamentin bu gün keçirilən iclasında deyib.

Onun sözlərinə görə, Azərbaycan dövləti Prezident İlham Əliyevin rəhbərliyi ilə çox böyük uğurlar əldə edib: “VI çağırış parlamentin ilk iclasında düşünürəm ki, Prezidentin çıxışı yadınızdadır. Ötən il yarım ərzində parlamentin fəaliyyətini dövlət başçısının çıxışındakı tövsiyələr əsasında qurmağa çalışmışıq. Hər birimiz yaxşı başa düşməliyik ki, deputat olmaq həm də məsuliyyətdir. Deputat özünü heç kəsdən üstün tutmamalıdır. Mən Eldəniz Səlimovun deputat adına yaraşmayan hərəkəti ilə bağlı dərin təəssüfümü bildirirəm”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir