Rusiya bu təşkilatdan çıxdı

Rusiya Baltik Dənizi Dövlətləri Şurasından çıxmaq barədə rəsmi qərar qəbul edib.

Millitribuna.az xəbər verir ki, bu barədə Rusiya Xarici İşlər Nazirliyinin yaydığı məlumatda qeyd olunub.

“Düşmənçilik fəaliyyətlərinə cavab olaraq Rusiyanın xarici işlər naziri Sergey Lavrov Baltik Dənizi Dövlətləri Şurasına üzv ölkələrin nazirlərinə, Avropa İttifaqının Xarici əlaqələr və təhlükəsizlik siyasəti üzrə ali nümayəndəsi Cozef Borrelə, eləcə də Şuranın Stokholmdakı Katibliyinə Rusiyanın təşkilatdan çıxmasına dair məlumat göndərib”, – deyə açıqlamada vurğulanıb.

Xatırladaq ki, sözügedən təşkilat 1992-ci ildə Almaniya, Norve, Finlandiya, Danimarka, Polşa, İsveç, Latviya, Rusiya və Estoniyanın təşəbbüsü ilə Kopenhagendə yaradılıb. 1995-ci ildən isə İslandiya da təşkilata qoşulub.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Bir cavab yazın

Sizin e-poçt ünvanınız dərc edilməyəcəkdir.