Jurnalistlər vaksinasiyadan keçəcəklər

“Tibbi Ərazi Bölmələrini İdarəetmə Birliyi” publik hüquqi şəxs (TƏBİB) ilə Azərbaycan Mətbuat Şurası arasında əldə edilmiş razılığa əsasən kütləvi informasiya vasitələrində çalışan jurnalistlərin vaksinasiyası həyata keçiriləcək.

Millitribuna.az xəbər verir ki, bunu Mətbuat Şurasının sədri Əflatun Amaşov deyib.

O bildirib ki, bununla bağlı kriteriyalar növbəti həftə açıqlanacaq.

“Ölkəmizdə hazırda yaşı 40-dan çox olan vətəndaşların vaksinasiyası aparılmaqdadır. Bu sırada jurnalistlərdən də vaksinasiyadan keçənlər var. Bununla belə Azərbaycan Mətbuat Şurası bu qənaətdədir ki, jurnalistika riskli sahədir və burada çalışanların orta yaşı əsasən 20-40 arası olduğundan onların tez bir zamanda “COVID-19″ əleyhinə peyvəndlənməsi zəruridir. TƏBİB ilə əldə edilmiş razılıq da bu zərurətin ödənilməsi məqsədi daşıyır”.

Onun sözlərinə görə, ilkin razılığa əsasən, KİV-lərdə çalışan və yaşı 18-dən yuxarı olan jurnalistlər peyvənd oluna biləcəklər.(apa)

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Добавить комментарий

Ваш адрес email не будет опубликован. Обязательные поля помечены *