FIFA iki ölkənin üzvlüyünü dayandırdı

FIFA Çad və Pakistan futbol assosiasiyalarının fəaliyyətini dayandırıb.

Millitribuna.az-ın məlumatına görə, bu barədə FIFA Şurasının Bürosu qərar çıxarıb.

Çad Futbol Assosiasiyası (FTFA) hökumətin futbola müdaxiləsi səbəbindən cəzalanıb. Hökumət futbolun müvəqqəti idarə olunması üçün milli komitə yaradıb və FTFA-ya nəzarəti ələ keçirib.

Hökumət müvafiq qərarları ləğv etdikdən sonra və nəzarət tam olaraq FTFA-ya veriləndə ali futbol qurumu qərarı ləğv edəcək.

Pakistan Futbol Federasiyası (PFF) isə üçüncü tərəfin müdaxiləsi üzündən cəzaya məruz qalıb. Federasiya qiyamçı qrup tərəfindən ələ keçirilib. Bu isə nizamnamənin pozulması deməkdir.

Etirazçılar FİFA-nın binanın boşaldılması tələbinə reaksiya verməyib və bu səbəbdən qurum PFF-nin fəaliyyətini dayandırıb. PFF-nin nəzarəti altındakı qərargahı, binaları, hesabları və rabitə kanalları qayıtdıqdan sonra qərar ləğv olunacaq.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Добавить комментарий

Ваш адрес email не будет опубликован. Обязательные поля помечены *