Bayden Rusiyanı hədələdi

ABŞ Prezidenti Co Bayden xəbərdarlıq edib ki, Ukraynada kimyəvi və ya taktiki nüvə silahlarından istifadə edildiyi halda Rusiya beynəlxalq nəticələrlə üzləşəcək.

Millitribuna.az xəbər verir ki, o, bu barədə CBS telekanalına verdiyi müsahibədə bildirib.

Jurnalist Rusiyanın Ukraynada nüvə silahından istifadə edəcəyi halda hansı nəticələrlə üzləşəcəyini, ABŞ-ın hansı reaksiya verəcəyini soruşub.

“Siz elə düşünürsünüz ki, bunun necə olacağını dəqiq bilsəm, sizə deyərdim? Təbii ki, sizə deməyəcəyəm. Bunun nəticələri olacaq. Onlar indiyədək olmadığı qədər təklənəcəklər. Bizim cavabımız onların hərəkətlərinin miqyasına əsasən olacaq”, – deyə Ağ Evin rəhbəri müvafiq suala cavab olaraq bildirib.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı saytın bu nömrəsinə göndərə bilərsiniz: (+994 55) 212 35 55 What's app

Bir cavab yazın

Sizin e-poçt ünvanınız dərc edilməyəcəkdir.