Deputat: «Dərmanları qazilərin özünə aldırırlar»

«Qazilərimizlə bağlı problemlər var. Mən həkimlərin işini yüksək qiymətləndirirəm, amma Hərbi Hospitalın işini yox. Qazilər rayondan gəlirlər bura. Avtobus da yoxdur, taksi tutub gəlirlər. Burada onlara resept yazıb deyirlər ki, gedin, dərmanları özünüz alın. Haradan alsın?».

Millitribuna.az xəbər verir ki, bunu parlamentdə çıxışı zamanı deputat Aqil Abbas deyib.

O xatırladıb ki, bununla bağlı onlara şikayətlər daxil olur:

“Qazilərə hələlik əlillik dərəcəsi verilməyib. Bəziləri ordudan tərxis edilməyib. Amma onlara deyirlər ki, gedin, özünüz dərman alın. Belə olmamalıdır. Mən Müdafiə Nazirliyinin rəhbərliyini bu məsələyə diqqət etməyə çağırıram. Hospital niyə müalicə ilə məşğul olmur? Qazilərə dərman vermək lazımdır. Bu hospitalın işidir”.

Deputat xatırladıb ki, Daxili İşlər Nazirliyinin da hopitalı var:

“Oradan nəinki polis əməkdaşları, onların ailə üzvləri, təqaüdə çıxan polislər də həyatının sonuna qədər müalicə alırlar”.

Добавить комментарий

Ваш адрес email не будет опубликован. Обязательные поля помечены *