“Azərbaycan bölgədə vəziyyətin ağasıdır”- Erməni politoloq

İran xarici işlər nazirinin İrəvana səfəri erməni cəmiyyətində günün əsas mövzusuna çevrilib. Çünki XİN rəhbəri Məhəmməd Cavad Zərif regiona ilk səfərini Bakıya edərkən buradan Ermənistanı məyus edən fikirlər səsləndirmişdi.

Millitribuna.az azvision.az-a istinadən xəbər verir ki, artıq erməni politoloqlar Zərifin İrəvana səfəri ilə bağlı təəssüratlarını açıqlayıblar.

Politoloq Ayk Martirosyan deyib ki, Ermənistan artıq beynəlxalq aləmdə suveren dövlət kimi görünmür. O bildirib ki, İran üçün Ermənistan ümidsiz bir cəsəddir. Azərbaycan isə əsl oyunçudur və İran onunla həqiqi dostluq haqqında düşünür:

“Azərbaycan fərqli bir reallığın sahibi olduğundan, sabah Mehri hesabına böyüyəcək. İranla sərhədin sahibi də Azərbaycandır, bölgədəki vəziyyətin ağası da. O, Azərbaycan ki, güclü Türkiyənin tərəfdaşıdır. Rusiyanın hörmət qoyduğu müttəfiq, həmçinin İranın düşməni olan İsrailin də müttəfiqidir. O, İsraillə İran arasında körpünün açarı sayılır. Bəs Ermənistan kimdir? Ermənistan – Lilit Makunçdur (Bu günlərdə ABŞ-a səfir təyin edilən qeyri-peşəkar diplomat-red), Nikol Paşinyan, bir də Ara Ayvazyandır. Ermənistan mövcud deyil. Ermənistan artıq yoxdur!”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir