Bu gün “Qarabağ” və “Neftçi”nin rəqibləri bilinəcək

Bu gün futbol üzrə Azərbaycan Kubokunda 1/8 final mərhələsinin son üç görüşü keçiriləcək.

Millitirbuna.az xəbər verir ki, günün ilk matçı Tovuzda yerli komanda ilə “Qəbələ” arasında gerçəkləşəcək. Cütün qalibi 1/4 finalda “Qarabağ”ın rəqibi olacaq.

“Qaradağ Lökbatan”la “Zirə” arasındakı dueldə mərhələni keçən tərəf növbəti raundda “Neftçi” ilə üz-üzə gələcək.

1/8 final mərhələsinin son oyunu Masazırda olacaq. “Sabah” I diviziyon təmsilçisi “Kəpəz”i keçsə, “Keşlə” ilə oynayacaq.

Azərbaycan Kuboku, 1/8 final

25 yanvar

14:00 “Turan Tovuz” – “Qəbələ”
Hakimlər: Rauf Allahverdiyev, Pərvin Talıbov, Cəmil Quliyev, Kamranbəy Rəhimov
Tovuz şəhər stadionu

16:00 “Qaradağ Lökbatan” – “Zirə”
Hakimlər: Nicat İsmayıllı, Elşad Abdullayev, Müslüm Əliyev, Kamal Umudlu
Bakı. “Dalğa Arena”

17:00 “Sabah” – “Kəpəz”
Hakimlər: Fərid Hacıyev, Akif Əmirəli, Rahil Ramazanov, Tural Qurbanov
Bakı. “Bank Respublika Arena”

Qeyd edək ki, 1/8 finalın ilk oyununda “Səbail” I divizion təmsilçisi “Zaqatala”nı dünən 3:2 hesabı ilə məğlub edərək, növbəti mərhələdə “Sumqayıt”a rəqib olub.(oxu.az)

Добавить комментарий

Ваш адрес email не будет опубликован. Обязательные поля помечены *