Beyləqanda mikroavtobus dərəyə aşdı: Ölən və yaralananlar var

Beyləqan rayonunda avtomobil dərəyə aşıb.

Millitribuna.az Fövqəladə Hallar Nazirliyinə (FHN) istinadən xəbər verir ki, hadisə İkinci Aşıqlı kəndində baş verib.

Hadisə barədə FHN-in Böhran Vəziyyətlərində İdarəetmə Mərkəzinə məlumat verilib. “Mercedes” markalı mikroavtobusun dərəyə aşması nəticəsində bir nəfər dünyasını dəyişib, bir neçə nəfər isə xəsarət alıb.

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri avtomobildə olan bir nəfərin meyitini (şəxsiyyəti dəqiqləşdirilir) və müxtəlif xəsarətlər alaraq sıxılı vəziyyətdə qalan 4 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

Yol qəzasının təfərrüatları araşdırılır.

Добавить комментарий

Ваш адрес email не будет опубликован. Обязательные поля помечены *