Cənubi Koreya “Pfizer” və “Janssen” şirkətlərindən vaksinlər alacaq

Cənubi Koreya “Pfizer” və “Janssen” şirkətləri ilə yeni növ koronavirusa (COVİD-19) qarşı vaksinlərin tədarükü ilə bağlı müqavilələr imzalayıb.

Millitribuna.az-ın Trend-ə istinadən məlumatına görə, bu barədə Cənubi Koreyanın baş naziri Çon Se Gün jurnalistlərə bildirib.

Onun sözlərinə görə, “Pfizer” şirkətindən 10 milyon nəfərin vaksinasiyası üçün, “Janssen” şirkətindən isə 6 milyon nəfərin vaksinasiyası üçün vaksinlər alınacaq.

Qeyd edilir ki, Cənubi Koreya ümumilikdə koronavirusa qarşı vaksinlərin tədarükü ilə bağlı 4 xarici şirkətlə müqavilə imzalayıb. Bu müqavilələr əsasında ölkəyə gətiriləcək vaksinlər 44 milyon nəfərin vaksinasiya olunmasını təmin edəcək.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir