Ruhani: “ABŞ-da hələ belə Administrasiya olmamışdı”

İran Prezidenti Həsən Ruhani ABŞ Prezidenti Donald Trampın administrasiyasını bu ölkənin tarixindəki ən pis administrasiya adlandırıb.

Virtualaz.org yerli KİV-ə istinadən bildirir ki, bunu İran Prezidenti Nazirlər Kabinetinin iclasında çıxış edərkən deyib.

“Ağ Evin bu qədər rəhimsiz, bu qədər gücsüz olduğunu xatırlamıram. Bir ABŞ Dövlət katibinə baxın, elə bil siyasətin əsaslarını bilmir”, – deyə İran Prezidenti vurğulayıb.

H. Ruhani İranın tibb işçilərinə təşəkkür edib. O qeyd edib ki, İran hazırda tarixin ən ağır dövrünü yaşayır: “Lakin xalqımız mətanətlə öz sakit həyatını yaşayır. Bu sakit yaşayış çox önəmlidir”.

Xatırladaq ki, çərşənbə günü, İsrailə rəsmi səfəri zamanı ABŞ Dövlət katibi Maykl Pompeo, İranın COVID-19 pandemiyası dövründə də dünyada terroru davam etdirdiyini bildirib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir