Heydər Əliyev Fondu Naftalana ərzaq yardımı göndərib

 

Heydər Əliyev Fondu və “Regional İnkişaf” İctimai Birliyi (RİİB) tərəfindən Naftalanda sağlamlıq imkanları məhdud uşaqlar üçün ərzaq yardımları göstərilib.

Millitirbuna.az xəbər verir ki, koronavirus (COVID-19) pandemiyası ilə əlaqədar elan olunmuş xüsusi karantin rejimi dövründə dövlət tərəfindən görülən tədbirlərə dəstək olaraq Heydər Əliyev Fondu və “Regional İnkişaf” İctimai Birliyinin (RİİB) “Biz birlikdə güclüyük” şüarı ilə həyata keçirdiyi layihə çərçivəsində Naftalan şəhərində sağlamlıq imkanları məhdud 18 yaşadək uşaqlar üçün 40 ailəyə ərzaq sovqatları paylanılıb.

Sovqatların “bizbirlikdegucluyuk.az” portalına və 150 Çağrı mərkəzinə daxil olan müraciətlər əsasında ünvanlara çatdırılması təmin edilib.

Sovqat alan ailələr hər zaman olduğu kimi, bu çətin anda da onlara göstərilən xüsusi diqqət və qayğıya görə möhtərəm cənab Prezident İlham Əliyevə və Birinci Vitse-Prezident hörmətli Mehriban xanım Əliyevaya dərin minnətdarlıqlarını bildiriblər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir