İftar süfrəsinə asan hazırlaya bilərsiniz!

İftar süfrəsi üçün dadlı reseptlər təqdim edirik:

Salat «Opera»

Ərzaq:
1 toyuğun döş əti
50 qr kərəviz
30 qr duzlu dil əti
50 qr duzlu xiyar və göbələk
100 qr mayonez
Limon suyu
Duz, istiot

Hazırlanması:

Dil ətini, xiyarı, kərəvizi, toyuğun döş ətini nazik doğrayın. Qaba yığıb, mayonez töküb yavaşca qarışdırın. Zövqə görə duz, istiot, limon şirəsi əlavə edin. Dayaz boşqaba yığıb, salat yarpaqları, cəfəri və qırmızı turp ilə bəzəyin.

Toyuq oladisi

Ərzaq:
500 qr. yumşaq toyuq əti
60 qr. buğda çörəyi
1,5 stəkan süd
2 yumurta
3 qaşıq şit yağ
Duz

Hazırlanması:
Toyuq ətini ətçəkəndən keçirin. Sonra süddə isladılmış buğda çörəyini ətçəkəndən keçirib qatın. Yaxşıca qarışdırıb, kütləyə 2 yumurtanın sarısını əlavə edib, duz və süd qatıb, yenə də qarışdırın. Ayrıca qabda yumurtanın ağını da çalıb, buraya əlavə edin.

Tavaya yağ töküb qızdırın, kütlədən qaşıqla götürüb tavaya tökün, ikitərəfli, qızılı rəng alana kimi bişirin. Süfrəyə ərinmiş şit yağla birlikdə verilir.

Tomat pastalı şorba

Ərzaqlar:
Düyü — 1 xtəkan
Tomat pastası — 2-3 qaşıq
Duzlu xiyar — 1-2 ədəd
Kök — 1 ədəd
5-7 diş sarımsaq
Toyuq əti
Soğan — 1 ədəd
Duz, istiot zövqə görə

Hazırlanması:
Qaynanmış duzlu suya, təmizlənmiş soğanı atıb, qaynadın. Kökü sürtgəcdən keçirin və suya əlavə edin. Orta tikələrə doğranmış toyuq ətini tökün. Sonra xırda doğranılmış sarımsağı və tomat pastasını əlavə edib, qarışdırın. Sonda düyünü, duzu və istiotu töküb, yağ əlavə edin. İstəyən sonda duzlu xiyar da qata bilər.(axsam.az)

Добавить комментарий

Ваш адрес email не будет опубликован. Обязательные поля помечены *