Qırğızıstanda son 3 həftədə yoluxanların sayı azalıb

Qırğız Respubikasında son sutkada koronavirusa daha 9 nəfər yoluxub.

“Report” “RİA Novosti”yə istinadən xəbər verir ki, məlumatı aprelin 25-də COVID-19-a qarşı mübarizə üzrə Respublika qərargahı yayıb.

Bildirilib ki, bu, son 3 həftədə, aprelin 5-dən sonra ən aşağı göstəricidir. Məlumata görə, yeni yoluxanların 3-ü tibb işçisidir. Bununla da respublika üzrə 175-i tibb işçisi olmaqla 665 nəfər virusa yoluxub, 8 nəfə isə infeksiyadan ölüb. Ölkə üzrə 345 nəfər sağalıb.

Qeyd edək ki, Qırğız Respublikasının paytaxtı Bişkek də daxil olmaqla bir sıra şəhərlərinə fövqəladə vəziyyət rejimi tətbiq edilir.

Добавить комментарий

Ваш адрес email не будет опубликован. Обязательные поля помечены *