ARB-nin yayımı müvəqqəti dayandırıldı

ARB telekanalının yayımı bu gün saat 10:00-dan dayandırılıb.

Millitribuna.az xəbər verir ki, kanalda 6 saat ərzində heç bir proqram efirə getməyəcək.

Qeyd edək ki, buna səbəb isə «Elgizlə izlə» verilişində işlədilən qeyri-etik ifadələr olub. Bu ifadələri işlədən isə proqrama telefonla zəng edən Xalq artisti Afaq Bəşirqızı olub.

Milli Televiziya və Radio Şurasının (MTRŞ) iclası keçirilib.

İclasda 18 aprel 2020-ci il tarixdə ARB televiziya kanalında yayımlanan «Elgizlə izlə» proqramına qoşulan ekspert tərəfindən nalayiq ifadələrin işlədilməsi faktı üzrə məsələyə baxılıb.

Milli Televiziya və Radio Şurası ARB televiziya kanalının efirində yayımlanan “Elgizlə izlə” verilişində əxlaqdan kənar leksik (söyüş) məzmunlu informasiya yayımlanmasına görə “İnzibati icraat haqqında” Azərbaycan Respublikasının 21 oktyabr 2005-ci il tarixli, 1036-IIQ saylı Qanununun 53-56-cı maddələrini, “Televiziya və radio yayımı haqqında” Azərbaycan Respublikasının 2002-ci il 25 iyun tarixli 345-IIQ saylı Qanununun 11.5.3-cü, 23.1-ci, 39.6-cı maddələrini, Azərbaycan Respublikası Prezidentinin 2002-ci il 05 oktyabr tarixli 795 saylı Fərmanı ilə təsdiq edilmiş “Milli Televiziya və Radio Şurası haqqında Əsasnamə”nin 8.11-1-ci bəndini rəhbər tutaraq ARB televiziya kanalının efirində 21 aprel 2020-ci il tarixdə proqramların yayımının 6 saatlıq müddətədək (saat 10:00-dan saat 16:00-dək) dayandırılması haqqında qərar qəbul edib.

ARB televiziya kanalı, ona tətbiq edilmiş məsuliyyət tədbirinin məzmunu barədə məlumatı yayımın dayandırılması müddəti ərzində özünün efirində yayımlamalıdır.

Добавить комментарий

Ваш адрес email не будет опубликован. Обязательные поля помечены *