Pərviz «Survivor»dan yazdı

«Məni sevən, dəstək olan hər kəsi salamlayıram. Çoxdandır arzusunda oldugum «Survivor» yarışması mənim üçün gözəl bir macəra oldu. Yarışmada keçirdiyim zaman ərzində siz həmvətənlərim və türk qardaşlarımın dəstəyini daim hiss etdim».

Millitribuna.az axşam.az-a istinadən xəbər verir ki, bu sözləri TV8-də yayımlanan «Survivor» yarışmasına qatılan kikboks üzrə 6 qat dünya çempionu Pərviz Abdullayev sosial şəbəkədə yazıb. Yarışmadakı mübarizəsini dayandıran idmançı ona səs verənlərə təşəkkür edib:

«Mənə qarşı olan daimi inamınızı həm orada göstərdiyim performansla, həm də xarakterimlə bacardığım qədər doğrultmağa çalışdım. Orada qazandığım türk dostlarımın mənə qarşı olan hörməti və sizin sevginiz sayəsində özümü heç də qəriblikdə hiss etmədim. Bunu bir daha gördüm ki, bütün addımlarımda mənə hər zaman dəstək olan, uğuruma sevinən, iki dövlət bir millət olaraq Azərbaycandan Türkiyəyə qədər uzanan böyük bir ailəm var. Bu yarışma mənə yaxşı dostlar qazandırdı. Onlara da yarışmada və şəxsi həyatlarında uğurlar arzulayır və başda Acun Ilıcalı olmaqla bütün «Survivor» kollektivinə minnətdarlığımı bildirirəm. Siz, əziz həmvətənlərimə də qəlbinizlə daim yanımda olub, məni dəstəklədiyiniz üçün dərin təşəkkür edirəm».

Qeyd edək ki, Pərviz hazırda koronavirus infeksiyasına görə uçuşlar dayandırıldığı üçün Bakıya qayıda bilmir.

Добавить комментарий

Ваш адрес email не будет опубликован. Обязательные поля помечены *