Azərbaycanda olan avtomobillərin ümumi sayı açıqlandı

2019-cu ilin sonuna olan məlumata əsasən, Azərbaycandakı avtonəqliyyat vasitələrinin sayı 3,5% artaraq 1,4 milyon ədəd olub.

Millitribuna.az trend-ə istinadən xəbər verir ki, ölkədə hər 100 ailəyə düşən şəxsi minik avtomobilinin sayı 54 ədədə çatıb.

Avtomobil nəqliyyatı ilə 2019-cu ildə 2018-ci illə müqayisədə 4,0% çox yük və 2,6% çox sərnişin daşınıb, yük dövriyyəsi 17530,8 mln. ton-km, sərnişin dövriyyəsi isə 25950,1 mln. sərnişin-km təşkil edib. Bu göstəricilər 2018-ci illə müqayisədə müvafiq olaraq 4,0% və 2,7% artıb.

Ötən il ərzində avtomobil yollarının tikintisi, yenidən qurulması, təmiri və saxlanılmasına dövlət zəmanəti ilə alınan məqsədli xarici kreditlər də daxil olmaqla 1845,7 mln. manat vəsait yönəldilib.

Bu dövrdə 1376,6 km, o cümlədən 139,8 km respublika, 908,8 km yerli əhəmiyyətli və 328,0 km Bakı və Sumqayıt şəhərlərində yollar yenidən qurulub, ümumi istifadədə olan avtomobil yollarında 14 yeni körpü tikilib, 17 qəzalı vəziyyətə düşmüş körpü bərpa edilib, 13 piyada keçidində təmir işləri aparılıb.

Добавить комментарий

Ваш адрес email не будет опубликован. Обязательные поля помечены *